865T < 大大聲 >by 張涵雅

【大大聲】 　作曲：蔡佳靈 Charis、周顯哲 Theo Chou　填詞：武雄 　窗外　一陣陣　的落雨聲　唱著　退流行　的流行歌 　凌亂　的城市　凌亂的車　愈塞愈刺疫(tshiah‑ia̍h) 　 　世事　遐爾亂　想著會驚　往事　遐爾遠　無路通行 　心事　遐爾濟　有誰知影　等待的心情(tsiânn) 　 　 　明明是　每個人　仝方向　偏偏是　人佮人　袂體諒 　一段路　吵吵鬧　一再阻擋　啊～未來欲何去何從 　 　世事　遐爾亂　應該互相　往事　遐爾遠　毋通悲傷 　心事　遐爾濟　需要堅強　隨人愛保重 　 　一條路　已經也　行一半　毋管伊　風佮雨　有幾段 　只要是　肯等待　跤步踏正　啊～行向期待的繁華    　 　用堅定的腳步我行來遮　有任何挑戰我攏毋驚 　面對　這個時代這個所在　有信心衝過困難　為未來留美麗的名 　 　 　一條路　咱已經　行一半　毋管伊　風佮雨　有幾段 　只要咱　肯等待　跤步踏正　啊～行向期待的繁華    　我相信　人咧做　天咧看　有真心　你佮我　仝款命 　我願意　閣出力　繼續拍拚　啊～無論風雨外大　屬於家己的名 　我會唱予大大聲 　   　 　 　作曲：蔡佳靈 Charis+周顯哲 Theo Chou 　填詞：武雄 　演唱：張涵雅（下半場） 　編曲：蘇通達 Ada Su+鄧亦峻 Yichun Teng 　製作：蘇通達 Ada Su 　發行：好痛音樂（211230）

　=================================

　=================================

864T < 媽媽歌星 >by 張涵雅

【媽媽歌星】作曲：芮姬奈 Regina/Pason　填詞：武雄

　一條路　情路　經過了風雨　我踅來踅去踅來遮
　才發現無毋對　緣份是天註定
　
　一條歌　老歌　隨時代變化　嘛輪來輪去輪著我
　人若問我的感覺　我會講甲三更暝半
　
　對一個　愛音樂的　千金小姐　期待著一套新娘衫
　變一個　做家後的　家庭主婦　生活有足大的變化
　
　一場夢　眠夢　又毋願看破　將所有角色同齊般
　我就是千變萬化　做歌星的快樂媽媽
　
　
　有時佇舞台上為大家獻唱　最使人感動的情歌
　有時踮厝內摒掃無閒煮食　嚨喉是喝甲會梢聲
　
　一場夢　眠夢　從來無變卦　才會當一直徛佇遮
　因為有你的鼓勵　有你的支持　我心頭一直掠足定
　
　
　會更加閣較用心　閣較認真　每一個身份攏繼續拍拚
　因為我是　做歌星的快樂媽媽
　
　這就是我的感覺　講袂完的深深感謝
　這就是新時代的　媽媽歌星　快樂的歌
　

 

　
　

　作曲：芮姬奈 Regina/Pason
　填詞：武雄
　演唱：張涵雅（下半場）
　編曲：Pason
　製作：蘇通達
　發行：好痛音樂（211230）
　
　

　=================================

　=================================

剛結束一場橫跨幾個國家的視訊論壇，算是把去年一些與寫歌比較無關的事告一段落，整個2021年超級反差，先是在疫情閉關期間，度過悠閒懶散的半個年頭，反正每天睡覺前就已經知道，隔天醒來不會有什麼工作會議，不會有什麼應酬交際，不能出去聽歌看戲，甚至消聲匿跡也不會有人留意，以前有在上班的時候，不曾有過這種長假的經驗，後來變成自由工作者，即使像在休息，其實也是隨時等待工作的召喚，這是我入行三十年以來，第一次享受到那種絕對的放鬆。

　

之後疫情漸漸緩和，各種音樂演出活動慢慢出現，我也感受到一種新的氣氛，好像歌手樂手，所有跟演出相關的工作人員，漸漸忙碌起來，只不過作詞人，依然還在閒晃，因為這時間點，舞台相關的人都卯起來補之前延期或取消的場次，新歌，暫時不需要，所以算一算，一年下來我沒有幾首歌出版。

　

其中張涵雅這兩首歌，可以算是2021的閉幕曲，有個特別的地方就是，這張專輯與歌手的上一張，分別叫做上半場與下半場，在這個越來越短線單曲思考的時代，竟然有人連續用兩張專輯的空間來營造一種氛圍，這可不是每個老闆都願意，也不是每個歌手都能遇到的事，我可以想像企製團隊肯定很開心！

　

上半場我替張涵雅寫了「有夠可惡」，講述上班族在現實與理想中的一種拉鋸，我猜這應該是許多粉領族的心情，當工作遇到壓力不順遂時，偶爾也會想，要是此時真命天子出現，也許當個家庭主婦也不錯，但是感情問題從來都不比工作簡單輕鬆，於是發出「有夠可惡」的感嘆。

　

比起過去，當今的歌手有一點很幸福，就是再也不用隱瞞個人的感情問題，以前那種不敢承認戀情，不敢公布結婚生子的訊息，如今聽眾已經都能究受，於是我從Hanya公開的主婦生活媽媽經中，聯想到那首日本改編的台語老歌「媽媽歌星」，上個世代那個歌者的心情是「介紹你是阮小妹，毋敢講坦白」，如今已經變成自然爽朗「將所有角色同齊般，做歌星的快樂媽媽」。

　

兩年兩張專輯，一個歌手，從害怕工作、愛情兩頭空的上半場，變成事業、家庭兼顧的現代媽媽歌星，無論過程多辛苦，我相信這個下半場結果都是甜美的。

　=================================

863T < 夜雨港都 >by 王俊傑

 

【夜雨港都】作詞：武雄　譜曲：王俊傑 　咧滴　咧落　又咧滴　又咧滴又咧落 　 　今夜又是風雨微微　異鄉的港都 　孤單行來少年彼時　熟似的當初 　仝款的街　仝款的路　愈看愈生疏 　只賰雨水一陣一陣　又咧落 　 　咧滴　咧落　港都的雨　又咧滴又咧落 　 　有情的人千年萬年　修來仝船渡 　無緣的話三句兩句　愈聽愈生疏 　為愛傷心　為情耽誤　這是何彌苦 　青春夢醒就愛覺悟　Let it go 　 　Let it be, Let it go 港都的夢 Let it be, Let it go 　又咧滴　又咧落　港都的雨　又咧滴又咧落 　 　Let it be, Let it go 港都的夢 Let it be, Let it go 　咧滴　咧落　港都的雨　又咧滴又咧落 　   　 　 　作詞：武雄 　譜曲：王俊傑 　演唱：王俊傑（看無） 　編曲：王俊傑 　製作：趙家駒 　發行：大吉祥（211210）

　=================================

　=================================

862T < 烏暗音樂會 >by 王俊傑

【烏暗音樂會】作詞：武雄　譜曲：王俊傑

　烏目鏡　烏西裝　烏色的鋼琴　烏色的薩克斯風

　暗光鳥　暗眠摸　暗頭仔六點　做伙來搧東風
　

　歡迎來到　烏暗音樂會　烏天暗地　大家凊彩坐
　一杯烏咖啡　一泡烏龍茶　我是烏狗兄　你是烏貓姊
    
　請你目睭瞌瞌（瞌瞌瞌瞌）　咱用歌聲來交陪
　
　我唱烏（烏～）　　　　　　你唱黑（黑～）
　我唱烏烏（烏烏～）　　　　你唱黑黑（黑黑～）
　我唱烏烏烏（烏烏烏～）　　你黑黑黑（黑黑黑～）

　烏暗的世界　請大家來這坐

　
　

　烏目鏡　烏西裝　烏色的舞台　烏色的麥克風
　暗光鳥　暗眠摸　暗時仔九點　暗爽會著內傷
　

　歡迎來到　烏暗音樂會　烏矸仔貯豆油　齣頭有夠濟
　一支烏吉他　一支烏鼓吹　快樂的歌聲　咱來唱規暝

　　　
　請你目睭瞌瞌（瞌瞌瞌瞌）　咱用歌聲來交陪

　
　我唱烏（烏～）　　　　　　你唱黑（黑～）
　我唱烏烏（烏烏～）　　　　你唱黑黑（黑黑～）
　我唱烏烏烏（烏烏烏～）　　你黑黑黑（黑黑黑～）

　烏暗的世界　色彩是有夠濟

　


　我唱烏（烏～）　　　　　　你唱黑（黑～）
　我唱烏烏（烏烏～）　　　　你唱黑黑（黑黑～）
　我唱烏烏烏（烏烏烏～）　　你黑黑黑（黑黑黑～）

　

　烏暗的世界　原來是這美麗

　
　

　作詞：武雄

　譜曲：王俊傑
　演唱：王俊傑（看無）
　編曲：Wilson  
　和聲編寫：王俊傑 
　合聲：王俊傑、黑視力樂坊、林郁菁、謝佩珊
　　　　楊宏偉、葉思騏、簡忠儒、廖翊婷
　配唱：何政毅
　製作：趙家駒
　發行：大吉祥（211210）

　=================================

　

　=================================

　

社會烏暗。

　
本底是幾落工前就欲寫，結果先是公投論戰，紲落來是八卦洗版，網路頂面大鼎滾細鼎也滾，皇帝急太監也急，所以暫時按下，好佳哉今仔日有一個閬縫，看範勢愛緊來處理一下，若無誰知影明仔在美國時間一到，又閣有什麼新的齣頭。
　
講起來社會烏暗這句話，應該是一種對現實的不滿，一種感慨，甚至一種諷刺，論真講是蓋嚴肅的代誌，猶毋過我自細漢聽人這句話，攏是用一種輕鬆孽譎的方式出現：日時駛車開大燈！而且那講閣那笑，果然是社會烏暗。
　
大概就是這款感覺，進前俊傑辦過幾落場烏暗音樂會，將所有的聽眾關佇咧一個暗眠摸烏密碼的所在，上蓋心適的畫面是，一陣目光的人，入去到伸指不見五手的室內，攏是靠青暝的工作人員𤆬路，才有法度揣到位坐好勢。
　
一般講來，目光的人雄雄若看無，心情應該攏是感覺恐怖，至少嘛淡薄仔驚惶，小可緊張，不而過，俊傑透過聲音，透過音樂，帶動現場的氣氛，變成一場充滿笑聲，輕鬆的演出。
　
這個經驗予我感覺真趣味，原來佇烏暗中，目光佮青暝完全反牌。
　
後來，我就將這個經驗寫做「烏暗音樂會」這個歌詞，我會記咧我有看過一組尪仔，是一篷烏人，彈琴的拍鼓的唱歌的，個個攏是烏目鏡，烏西裝，所以我就想講，若有一個樂團來唱這款歌詞，而且我特別設計台頂唱台跤應，應該會真鬧熱真趣味。
　
真歡喜真樂暢的歌，另日，你若是有機會佇現場聽俊傑演唱，該你唱的時陣，愛會記咧唱較大聲咧！

　=================================