【板橋純情曲】 作曲：蕭煌奇 填詞：武雄
一段故事 一陣風
有人講初戀 攏是特別憨
明明思念睏袂去 又期待 伊會來夢中
兩人隔開 一條河
才知影初戀 總是無奈何
渡過往事來看你 你的形影已經攏找無
＊板橋的風啊繼續吹
吹過咱細漢對面彼片初戀地
一條黃昏的環河路
有咱輕聲的對話 有咱青春的表白
一場往事 一帖藥
初戀夢大漢 化成一板橋
想著過去心會痛 惦風中 一直搖啊搖
（想著初戀一直笑 唔～～ 難忘的板橋）
作曲：蕭煌奇
填詞：武雄
演唱：蕭煌奇（真情歌）
編曲：林美文
製作：蕭煌奇
出版：黑色吉他（071217）
=================================
=================================
【國民學校】 作曲：蕭煌奇 填詞：武雄
阮故鄉港邊有一間 比阿爸卡老的國民學校
地動彼年 真有福氣 政府欲加翻新
複雜的計畫 牽涉莊頭所有派系
一時黑白兩道吵攏袂停
有人講學校的路 一定愛買伊的地
有人決定 田無愛種 要起一個商場
人人有計畫 人人攏咧車盤翻
動用所有關係欲去申請
無人管 學校前 彼條馬路每天 攏嘛篷篷英
連公車 不時攏會 找無所在通好停
不驚風 不驚雨 每日準時來學校 可愛的學生
上驚上班的汽車 趕路不願停
紅燈邊仔彼個囝仔 有誰人會當帶伊過馬路
罵來罵去彼陣大人 拜託恁聲音不通相吵啦
新計畫聽講徵收 市長因表兄新買的舊田
真正不幸 有人開槍 暗殺一個議員
最後的計畫 不是所有人攏滿意
現實親像馬路永遠袂平
無人管 學校邊 出現酒店甲網咖 也有賺食間
連議長 攏有股 正經back有夠硬
欲落成 彼一日 有真多人來學校 抗議甲遊行
歸條馬路上攏總是 選舉的聲音
紅燈邊仔彼個囝仔 有誰人會當帶伊過馬路
罵來罵去彼陣大人 拜託恁聲音不通相吵啦
甘不知恁的子弟 需要安靜來讀冊
一天到晚惦這吵鬧的人 恁甘不識字
作曲：蕭煌奇
填詞：武雄
演唱：蕭煌奇（真情歌）
編曲：林美文
製作：蕭煌奇
出版：黑色吉他（071217）
=================================
=================================
【甲我跳舞好否】 作曲：蕭煌奇 填詞：武雄
今夜花含笑 浪漫的情調 親像會當聽見兩個人的心跳
惦惦咧等候 希望在今宵 愛會當做陣攬著著
甜蜜的歌謠 纏綿的演奏 陪伴有情的人一對對慢慢跳
找你做舞伴 對我真重要 望你不通搖頭
＊）陪我跳舞好不好？ 阮舞步卡生疏 足希望有你做陣學
陪我跳舞好不好？ 進一步退一步 是我的思慕～
甲你搖啊搖 甲你惜啊惜 用雙人上美妙的舞步
１）一手放肩頭 一手撼咧腰 這就是愛情 對不對？
２）一手放肩頭 一手撼咧腰 這就是愛情 無不對！
甲你搖啊搖 甲你惜啊惜 兩個人踏共款的腳步
繼續慢慢跳 繼續輕輕笑 搖過愛情路～（＊）
作曲：蕭煌奇
填詞：武雄
演唱：蕭煌奇（真情歌）
編曲：洪筠惠
製作：蕭煌奇
出版：黑色吉他（071217）
=================================
=================================
.png)
